კონფიდენციალურობის ამ დებულების მიზნებისათვის, “პერსონალური ინფორმაცია“ ნიშნავს ნებისმიერ ინფორმაციას, რომელიც ეხება იდენტიფიცირებულ ან იდენტიფიცირებად ფიზიკურ პირს. Priceless-ის სერვისებთან დაკავშირებით ჩვენ მოვიპოვებთ თქვენთან დაკავშირებულ პერსონალურ ინფორმაციას სხვადასხვა წყაროდან, როგორც ეს აღწერილია ქვემოთ. 

Საჭიროების შემთხვევაში, ჩვენ მიგითითებთ რა შემთხვევაში და რატომ უნდა მოგვაწოდოთ თქვენი პერსონალური ინფორმაცია, ისევე როგორც მიგითითებთ ამ მოთხოვნის შეუსრულებლობით გამოწვეული შედეგების შესახებ. თუ არ მოგვაწვდით თქვენს პერსონალურ ინფორმაციას მოთხოვნიდან გამომდინარე, თქვენ არ გექნებათ უფლება, ისარგებლოთ Priceless-ის სერვისებით, თუ აღნიშნული ინფორმაცია საჭიროა თქვენთვის მომსახურების გასაწევად ან თუ აღნიშნული ინფორმაციის შეგროვებას გვავალდებულებს მოქმედი კანონმდებლობა. 

თქვენ მიერ მოწოდებული პერსონალური ინფორმაცია 

• მომხმარებლის რეგისტრაცია და სისტემაში შესვლის დეტალები: Როდესაც Priceless-ის სერვისების მომხმარებელად რეგისტრირდებით, ჩვენ ვაგროვებთ ინფორმაციას თქვენი ელფოსტის და პაროლის შესახებ, რომელსაც ირჩევთ და ქმნით ანგარიშს უნიკალური საიდენტიფიკაციო ნომრით. Ჩვენ აგრეთვე უფლება გვაქვს, მოგთხოვოთ პერსონალური ანგარიშის ნომერი, იმისათვის რომ გადავამოწმოთ თქვენი უფლებამოსილება, მაგრამ ჩვენ არ შევინახავთ აღნიშნულ ინფორმაციას თქვენი მომხმარებლის პროფილის ნაწილად. Ზოგადად, თქვენ არ მოგეთხოვებათ მომხმარებლად რეგისტრაცია, როდესაც თქვენ Priceless-ის სერვისები მოგეწოდებათ თქვენი ბარათის გამცემის მიერ, გარდა იმ შემთხვევისა თუ გინდათ აუქციონში მონაწილეობის მიღება.  

• საკონტაქტო დეტალები და საგადახდო ინფორმაცია: Როდესაც თქვენ ირჩევთ შეთავაზებას და ახორციელებთ გადახდას (საჭიროების შემთხვევაში) აღნიშნული შეთავაზებისთვის, ჩვენ შეიძლება შევაგროვოთ თქვენი საკონტაქტო დეტალები (როგორიცაა, მომხმარებლის სახელი სისტემაში, სახელი, ელფოსტის მისამართი, ტელეფონის ნომერი და სახლის მისამართი) და საჭიროების შემთხვევაში, საგადახდო ინფორმაცია (როგორიცაა სახელი, ელფოსტის მისამართი, ტელეფონის ნომერი, საგადახდო ან საფოსტო მისამართი, პირადი ანგარიშის ნომერი, ბარათის ვადის ამოწურვის თარიღი და ბარათის ვერიფიცირების კოდი).  

• საპრიზო გათამაშებაში მონაწილეობისა და მიწოდების შესახებ ინფორმაცია: Როდესაც თქვენ მონაწილეობთ საპრიზო გათამაშებაში, რომელიც ორგანიზებულია Mastercard-ის მიერ, ზოგადად, ჩვენ ვითხოვთ თქვენს სახელს, ელფოსტის მისამართს, ტელეფონის ნომერს და სახლის მისამართს. 

• ინფორმაცია, რომლის დამუშავებასაც ვახდენთ თქვენთვის Priceless-ის სერვისების მიწოდების მიზნით: Priceless-ის სერვისების გათვალისწინებით, ჩვენ შეიძლება შევაგროვოთ სხვადასხვა სახის პერსონალური ინფორმაცია. მაგალითად, Priceless-ის სერვისები, რომლებიც შექმნილია იმისთვის, რომ მოგაწოდოთ მდებარეობაზე დაფუძნებული სერვისები, როგორც წესი, საჭიროებს მისამართის ან ლოკაციის შესახებ ინფორმაციის შეგროვებას. ყველა ეს პროგრამა ნებაყოფლობითია და თქვენი პერსონალური ინფორმაციის შეგროვება მოხდება მხოლოდ იმ შემთხვევაში, თუ თქვენ გამოიწერთ Priceless-ის მსგავს სერვისებს.  

• Სხვა ინფორმაცია, რომლის მოწოდებასაც აირჩევთ Priceless-ის სერვისებთან დაკავშირებით, თქვენთვის ცნობილი გახდება მონაცემების შეგროვების დროს.  

მესამე მხარეების მიერ მოწოდებული პერსონალური ინფორმაცია 

ჩვენ შეგვიძლია, მოვიპოვოთ თქვენთან დაკავშირებული პერსონალური ინფორმაცია მესამე პირებისგან, რომლებიც შეიძლება, იმყოფებოდნენ თქვენი ქვეყნისგან განსხვავებულ ქვეყნებში. Მაგალითად, Priceless-ის სერვისების სხვა მომხმარებელს შეუძლია, მოგვაწოდოს საკონტაქტო ინფორმაცია საჩუქრის მიმღების შესახებ, სხვა პირის შესახებ, რომელიც გაუზიარებს Priceless-ის გამოცდილებას მყიდველს ან პიროვნების შესახებ, რომლის მოწვევაც სურს მომხმარებელს Priceless-ის სერვისებით სარგებლობისათვის.  

პერსონალური ინფორმაცია, რომელსაც ვიღებთ Priceless-ის სერვისებთან, Mastercard-ის რეკლამებთან, ვებგვერდებთან, აპლიკაციებთან ან სხვა ციფრულ აქტივებთან თქვენი ურთიერთქმედების შედეგად 

Ჩვენ, ჩვენი მომსახურების მომწოდებლებმა და პარტნიორებმა შეიძლება შევაგროვოთ კონკრეტული ინფორმაცია თქვენ შესახებ ავტომატიზებული ინსტრუმენტების გამოყენებით, როგორიცაა ქუქი ფაილების, web beacons (ვებ შუქურა) და მსგავსი ტექნოლოგიების გამოყენებით (ერთობლივად “ქუქი ფაილები”), როდესაც თქვენ სარგებლობთ Priceless-ის სერვისებით. ინფორმაციაში, რომელსაც ამ გზით ვაგროვებთ, შეიძლება შედიოდეს შემდეგი: IP მისამართი, ბრაუზერის ტიპი, ოპერაციული სისტემა, მობილური მოწყობილობის იდენტიფიკატორი, გეოგრაფიული არეალი, მიმართვის URL-ები და ინფორმაცია Priceless-ის სერვისებთან ჩვენი ციფრული აქტივობის მიმართ განხორციელებული ქმედებების ან მათთან ურთიერთქმედების შესახებ. “ქუქი-ფაილი“ არის ტექსტური ფაილი, რომელსაც ვებ სერვერი კომპიუტერის მყარ დისკზე ათავსებს. “ვებ შუქურა“, რომელიც ასევე ცნობილია როგორც ინტერნეტ ტეგი, პიქსელის ტეგი ან სუფთა GIF, არის ტექნოლოგია, რომელიც გვეხმარება იმის გარკვევაში, თუ როდის მოხდა მასალაზე წვდომა ან მისი ნახვა. 

ჩვენ ვიყენებთ ამ ინფორმაციას Priceless-ის სერვისების და ჩვენი სხვა ონლაინ პროდუქტების გასაუმჯობესებლად, იმის შეფასებით, თუ რამდენ მომხმარებელს ჰქონდა წვდომას ჩვენს ონლაინ პროდუქტებზე და სერვისებზე, ჩვენი ონლაინ პროდუქტებისა და სერვისების შინაარსიდან, პროდუქტებიდან და ფუნქციებიდან ყველაზე მეტად რამ დააინტერესა ჩვენი ვიზიტორები, რა ტიპის შეთავაზებების ნახვა სურთ ჩვენს მომხმარებლებს და როგორ მუშაობს ჩვენი ონლაინ პროდუქტები და სერვისები ტექნიკური თვალსაზრისით. Მაგალითად, ჩვენ შეიძლება გამოვიყენოთ მესამე მხარის ვებ ანალიტიკური სერვისები Priceless-ის სერვისებისთვის, როგორიცაა, Adobe. ანალიტიკის მომწოდებლები, რომლებიც ადმინისტრირებას უწევენ აღნიშნულ სერვისებს იყენებენ ქუქი ფაილებს, რათა დაგვეხმარონ იმის ანალიზში, თუ როგორ იყენებენ ვიზიტორები Priceless-ის სერვისებს. 

ჩვენ, ჩვენმა სერვის პროვაიდერებმა და პარტნიორებმა შეიძლება, ასევე შევაგროვოთ ინფორმაცია თქვენ შესახებ, რათა თქვენი პერსონალური ინფორმაციის საფუძველზე, მიღებული დასკვნების გათვალისწინებით, მოგაწოდოთ თქვენს ინდივიდუალურ ინტერესებზე მორგებული მასალა და რეკლამა. ამ მიზნებისთვის შეგროვებული ინფორმაცია შეიძლება, მოიცავდეს დეტალებს მაგალითად კონკრეტული გვერდების ან რეკლამების შესახებ, რომლებსაც თქვენ ნახულობთ Priceless-ის სერვისების კონტექსტში და იმ აქტივობის შესახებ, რომლებსაც თქვენ ახორციელებთ ამ კონტექსტში. 

როდესაც მოქმედი კანონმდებლობა გვავალდებულებს, ჩვენ ვიღებთ თქვენგან თანხმობას ზემოაღნიშნული ავტომატიზებული საშუალებების გამოყენებამდე და თქვენთვის მარკეტინგული კომუნიკაციების, თქვენზე მორგებული მასალისა და რეკლამების გამოგზავნამდე.  

იხილეთ ამ კონფიდენციალურობის დებულების პუნქტი “თქვენი უფლებები და არჩევანი“, რათა მიიღოთ ინფორმაცია თქვენი არჩევანის შესახებ. 

იმის გამო, რომ ჯერ კიდევ არ არის მიღწეული შეთანხმება იმასთან დაკავშირებით თუ როგორ უნდა უპასუხონ კომპანიებმა ბრაუზერზე დაფუძნებულ “არ-მითვალთვალო” (DNT) მექანიზმებს, Mastercard ამჟამად არ პასუხობს ბრაუზერზე დაფუძნებულ DNT სიგნალებს. ბრაუზერის თვალთვალის სიგნალებისა და DNT-ის შესახებ მეტი ინფორმაციის მისაღებად ეწვიეთ http://www.allaboutdnt.com. 

იმ გეოგრაფიული მდებარეობის გათვალისწინებით, რომლიდანაც თქვენ გაქვთ წვდომა Priceless-ის სერვისებზე, თქვენ უფლება გაქვთ ნება დართოთ ან უარყოთ ქუქი ფაილები, რომლებიც არ არის მკაცრად აუცილებელი Priceless-ის სერვისების მიწოდებისთვის, როდესაც თქვენ პირველად შეხვალთ ვებ-გვერდზე ან აპლიკაციაში და შემდგომ ნებისმიერ დროს “ქუქი ფაილების მართვის” ღილაკის ან გვერდის ბოლოში მითითებული ბმულის გამოყენებით. 

იმ ქვეყნის გათვალისწინებით, რომელშიც იმყოფებით, ჩვენ დავამუშავებთ თქვენს პერსონალურ ინფორმაციას მხოლოდ იმ შემთხვევაში, თუ გვაქვს დამუშავების სამართლებრივი საფუძველი, როგორც ეს აღწერილია ქვემოთ მოცემულ ცხრილში. 

როდესაც ეს მოთხოვნილი იყო მოქმედი კანონმდებლობით, მონაცემთა დამუშავებასთან მიმართებით ჩვენ ჩავატარეთ ურთიერთგაწონასწორების ტესტები ჩვენს ან მესამე მხარის ლეგიტიმურ ინტერესებზე დაყრდნობით, რათა დავრწმუნდეთ იმაში, რომ თქვენი ინტერესები, ძირითადი უფლებები ან თავისუფლებები არ აღემატება ასეთ ლეგიტიმურ ინტერესს. ჩვენი ურთიერთგაწონასწორების ტესტების შესახებ დამატებითი ინფორმაციის მისაღებად შეგიძლიათ დაგვიკავშირდეთ, როგორც ეს აღწერილია ქვემოთ მოცემულ განყოფილებაში “როგორ დაგვიკავშირდეთ”. 

ჩვენი მხრიდან თქვენ არ დაექვემდებარებით ინფორმაციის მხოლოდ ავტომატურ დამუშავებაზე დაფუძნებულ ისეთ გადაწყვეტილებას, რომელიც წარმოშობს სამართლებრივ შედეგებს თქვენთან დაკავშირებით ან ანალოგიურად, მნიშვნელოვან გავლენას ახდენს თქვენზე, გარდა იმ შემთხვევისა, როდესაც აშკარად თანხმობა განაცხადეთ ინფორმაციის დამუშავებაზე, თუ ეს აუცილებელია მოქმედი კანონმდებლობით, დამუშავება აუცილებელია თქვენსა და Mastercard-ს შორის ხელშეკრულების დასადებად ან მის შესასრულებლად ან როდესაც კანონით ვალდებულნი ვართ, ამგვარად გამოვიყენოთ თქვენი პერსონალური ინფორმაცია, მაგალითად, თაღლითობის პრევენციისთვის. 

თუ თქვენ მოგვაწვდით სხვა პირთან დაკავშირებულ რაიმე ინფორმაციას ან მასალას, თქვენ უნდა დარწმუნდეთ, რომ აღნიშნული ინფორმაციის ჩვენთვის გაზიარება და ჩვენი მხრიდან მისი შემდგომი გამოყენება, როგორც ეს თქვენთვის დროდადრო განმარტებულია, შეესაბამება მოქმედ კანონმდებლობას ისე, რომ, მაგალითად, თქვენ უნდა მოახდინოთ ამ პირის სათანადო ინფორმირება მისი პერსონალური ინფორმაციის დამუშავების შესახებ და მოიპოვოთ მისი თანხმობა, როგორც ეს შეიძლება მოითხოვებოდეს მოქმედი კანონმდებლობით. 

Ჩვენ არ ვამჟღავნებთ თქვენს პერსონალურ ინფორმაციას, რომელსაც ვაგროვებთ თქვენ შესახებ გარდა იმ შემთხვევებისა, რაც აღწერილია ამ კონფიდენციალურობის დებულებაში ან სხვაგვარად არის გამჟღავნებული თქვენთვის პერიოდულად მონაცემების შეგროვების დროს.  

ჩვენ არ ვყიდით პერსონალურ ინფორმაციას, რომელსაც ვაგროვებთ თქვენ შესახებ, როგორც ეს განსაზღვრულია კალიფორნიის მომხმარებლის კონფიდენციალურობის დაცვის აქტით. გთხოვთ, ქვემოთ იხილოთ “მონაცემთა გადაცემის” ნაწილი, რათა გაიგოთ, როგორ ვიცავთ მონაცემთა ტრანსსასაზღვრო გადაცემის მოქმედ წესებს. 

ჩვენ შეიძლება გავაზიაროთ თქვენი პერსონალური ინფორმაცია: 

• ფინანსურ ინსტიტუტებთან და  საგადახდო ბარათების გამცემ სხვა დაწესებულებებთან ან სავაჭრო ობიექტებთან, რათა დავამუშაოთ გადახდის ოპერაციები და შევასრულოთ თქვენ მიერ მოთხოვნილი სხვა მოქმედებები. 

• იმ პირებთან, რომლებიც არიან Mastercard-ის პარტნიორები ან ეხმარებიან Mastercard-ს შეთავაზებების მიწოდებაში, როგორიცაა სავაჭრო ობიექტები და ალიანსის პარტნიორები (მათ შორის არა-კომერციული პირები), რომლებიც ასრულებენ თქვენს შეძენილ შეთავაზებას. Მაგალითად, თუ თქვენ შეისყიდით Priceless-ის შეთავაზებას რესტორნისთვის, სპორტულ ღონისძიებაზე ან დაჯილდოვების ცერემონიაზე დასასწრებად, ჩვენ გავუზიარებთ თქვენს პერსონალურ ინფორმაცია შეთავაზების მომწოდებელ სავაჭრო ობიექტს (მაგალითად, რესტორანს) თქვენი შეთავაზების შესრულების მიზნით, ან სხვაგვარად, რაც საჭიროა თქვენთვის Priceless-ის სერვისების უზრუნბელსაყოფად. აღნიშნული მესამე მხარეები შეიძლება მოქმედებდნენ, როგორც მონაცემთა დამმუშავებლები აღნიშნულ მონაცემებთან მიმართებაში, იმისათვის რომ მოგაწოდონ თქვენ Priceless-ის სერვისებთან დაკავშირებული დამატებითი მომსახურებები. 

• ფინანსურ ინსიტიტუტებთან და ბრენდ პარტნიორებთან, რომლებსაც ჩვენ ვთავაზობთ, ან რომლებთან ერთადაც ვავითარებთ პროდუქტებსა და სერვისებს ხსენებულ შეთავაზებებთან დაკავშირებით. 

• ჩვენს სერვის პროვაიდერებთან, რომლებიც ჩვენი სახელით ახორციელებენ სერვისებს კონფიდენციალურობის ამ დებულებაში აღწერილი მიზნებისთვის. ჩვენ ხელშეკრულების საფუძველზე ვთხოვთ ამ სერვის პროვაიდერებს, დაამუშავონ პერსონალური ინფორმაცია მხოლოდ ჩვენი მითითებების შესაბამისად და, საჭიროებისამებრ, ჩვენი სახელით სერვისების განსახორციელებლად ან მოქმედი კანონმდებლობის მოთხოვნების დასაცავად. ჩვენ ასევე მოვითხოვთ, მათგან, დაიცვან იმ პერსონალური ინფორმაციის უსაფრთხოება და კონფიდენციალურობა, რომელსაც ისინი ამუშავებენ ჩვენი სახელით, სათანადო ტექნიკური და ორგანიზაციული უსაფრთხოების ზომების და კონფიდენციალურობის ვალდებულებების გამოყენებით, რომლებიც ავალდებულებენ პერსონალურ ინფორმაციაზე წვდომის მქონე თანამშრომლებს.  

• მესამე მხარეებთან, რომელთა ფუნქციები (მაგალითად, მესამე მხარის ქუქი-ფაილები, ვიჯეტები, ფლაგ-ინები) ინტეგრირებულია ჩვენს პროდუქტებსა და სერვისებში. დამატებითი ინფორმაციისთვის, გთხოვთ, იხილოთ კონფიდენციალურობის ამ დებულების მე-7 ნაწილი (ფუნქციები და ბმულები სხვა ვებგვერდებზე). 

• სოციალურ ქსელებთან, როდესაც უშუალოდ ურთიერთობთ ამ პლატფორმებთან. დამატებითი ინფორმაციისთვის, გთხოვთ, იხელმძღვანელოთ კონფიდენციალურობის ამ დებულების მე-7 ნაწილით (ფუნქციები და ბმულები სხვა ვებგვერდებზე). 

• სხვა მესამე მხარეებთან, თქვენი თანხმობით. 

• როგორც ამას მოითხოვს მოქმედი კანონმდებლობა ან სამართლებრივი პროცესი, ან სამართალდამცავი ან სახელმწიფო ორგანოების მოთხოვნებზე რეაგირების მიზნით. როდესაც ვიღებთ ასეთ მოთხოვნებს, ჩვენ ვხელმძღვანელობთ ჩვენი სავალდებულო კორპორატიული წესებით განსაზღვრული პროცედურით (იხილეთ ქვემოთ მოცემული ნაწილი 5 მონაცემთა გადაცემა) საჭიროებისამებრ. 

• როდესაც ჩვენ მივიჩნევთ, რომ გამჟღავნება აუცილებელია პირთა სასიცოცხლოდ მნიშვნელოვანი ინტერესების დასაცავად, ჩვენი სარგებლობის წესების აღსასრულებლად, Mastercard-ისთვის ზიანის ან ფინანსური ზარალის თავიდან ასაცილებლად, ან სავარაუდო ან რეალური თაღლითური ან უკანონო ქმედების გამოძიებასთან დაკავშირებით. 

• იმ შემთხვევაში, თუ ჩვენ მთლიანად ან ნაწილობრივ ვყიდით ჩვენს ბიზნესს ან აქტივებს ან მთლიანად ან ნაწილობრივ ვახდენთ მათ გადაცემას. თუ მოხდება ასეთი გაყიდვა ან გადაცემა, ჩვენ მივმართავთ გონივრულ ღონისძიებებს, რათა მიმღებმა გამოიყენოს თქვენ მიერ ჩვენთვის მოწოდებული პერსონალური ინფორმაცია ამ კონფიდენციალურობის დებულების შესაბამისად. ასეთი გაყიდვის ან გადაცემის შემდეგ, თქვენ შეგიძლიათ დაუკავშირდეთ იმ ორგანიზაციას, რომელსაც გადავეცით თქვენი პერსონალური ინფორმაცია, აღნიშნული ინფორმაციის დამუშავებასთან დაკავშირებით ნებისმიერი შეკითხვით. 

თქვენ გაქვთ გარკვეული უფლებები თქვენს შესახებ ჩვენ მიერ შენახულ პერსონალურ ინფორმაციასთან დაკავშირებით და გაქვთ გარკვეული არჩევანი იმის შესახებ, თუ რომელ პერსონალურ ინფორმაციას ვაგროვებთ თქვენგან, როგორ ვიყენებთ მას და როგორ ვაწარმოებთ თქვენთან კომუნიკაციას. თქვენ გაქვთ არჩევანი: 

• არ მიაწოდოთ პერსონალური ინფორმაცია Mastercard-ს გადახდის ოპერაციების განხორციელებისგან თავის შეკავებით ან პერსონალური ინფორმაციის უშუალოდ ჩვენთვის მოწოდებისგან თავის შეკავებით.  
• უარი თქვათ გარკვეული ინფორმაციის შეგროვებასა და გამოყენებაზე, რომელსაც თქვენ შესახებ ვაგროვებთ ავტომატური საშუალებებით, როდესაც სტუმრობთ ჩვენს ვებგვერდებს ან იყენებთ ჩვენს აპლიკაციებს Priceless-ის სერვისების კონტექსტში. კონკრეტულ იურისდიქციებში, თქვენ შეგიძლიათ ისარგებლოთ თქვენი არჩევანით ქუქი ფაილების გამოყენებასთან დაკავშირებით “ქუქი ფაილების მართვის” ღილაკზე ან გვერდის ბოლოში ლინკზე დაჭერით. თქვენმა ბრაუზერმა შეიძლება, გირჩიოთ, როგორ შეიტყოთ გარკვეული ტიპის ქუქი-ფაილების შესახებ და როგორ თქვათ უარი თქვენს მოწყობილობაში მათ დაყენებაზე. გთხოვთ, გაითვალისწინოთ, რომ გარკვეული ქუქი-ფაილების გარეშე თქვენ ვერ შეძლებთ ჩვენი უფასო სერვისების ყველა ფუნქციის გამოყენებას.  
• იმისათვის, რომ უარი თქვათ იმ კონკრეტული ინფორმაციის გამოყენებაზე, რომელსაც თქვენ შესახებ ვაგროვებთ ავტომატური საშუალებებით, როდესაც სტუმრობთ მესამე მხარეების ვებგვერდებს და ურთიერთობთ ჩვენს რეკლამებთან. ჩვენ შეიძლება გამოვიყენოთ სერვის პროვაიდერები ამ მესამე მხარეების ვებგვერდებისთვის რეკლამების მისაწოდებლად. ეს რეკლამები შეიძლება იყოს პერსონალიზებული და მიწოდებულ იქნეს ჩვენი და ჩვენი პარტნიორების მიერ ჩვენს ვებგვერდებიდან და აპლიკაციებიდან შეგროვებული მონაცემების გამოყენების საფუძველზე. გარდა ამისა, ჩვენმა ზოგიერთმა სერვის პროვაიდერმა და პარტნიორმა შეიძლება შეაგროვოს ინფორმაცია თქვენი ონლაინ-აქტივობების შესახებ დროთა განმავლობაში და მესამე მხარეების ვებგვერდებზე, რათა მოახდინონ ამ რეკლამების პერსონალიზება და მოგაწოდონ ისინი. Mastercard-ის რეკლამების მიწოდება ზოგჯერ ხდება პიქტოგრამებით, რომლებიც ეხმარება მომხმარებლებს (i) შეიტყონ მეტი, თუ როგორ გამოიყენება მათი მონაცემები და (ii) ისარგებლონ არჩევანით, რომელიც შეიძლება ჰქონდეთ თავიანთი მონაცემების გამოყენებასთან დაკავშირებით. საჭიროების შემთხვევაში, თქვენ შეგიძლიათ, დააწკაპუნოთ, ჩვენს მიზნობრივ რეკლამებში არსებულ პიქტოგრამაზე, რათა შეიტყოთ თქვენი შესაძლებლობის შესახებ უარი თქვათ ან შეზღუდოთ ინტერნეტის თვალიერებისას თქვენი ქცევის გამოყენება სარეკლამო მიზნებისთვის. 
• მოგვთხოვოთ, რომ არ გამოგიგზავნოთ მარკეტინგული ელფოსტები, ჩვენგან მიღებულ ამ ელფოსტებში მოცემულ გამოწერის გაუქმების ბმულზე დაწკაპუნებით ან ჩვენთან დაკონტაქტებით, როგორც ქვემოთ არის მითითებული. თქვენ ასევე შეგიძლიათ უარი თქვათ Mastercard-ისგან მარკეტინგული ელფოსტების მიღებაზე, თუ დააწკაპუნებთ აქ. 
• უარი თქვათ მონაცემთა ანალიზის ჩასატარებლად თქვენი პერსონალური ინფორმაციის ანონიმიზაციაზე აქ დაწკაპუნებით . 

იმ ქვეყნის გათვალისწინებით, რომელშიც იმყოფებით, თქვენ შეიძლება გქონდეთ უფლება: 

• მოითხოვოთ წვდომა და მიიღოთ ინფორმაცია ჩვენ მიერ თქვენ შესახებ შენახულ პერსონალურ ინფორმაციაზე, მოითხოვოთ თქვენი პერსონალური ინფორმაციის განახლება და მასში არსებული უზუსტობების შესწორება, შეზღუდოთ ან გააპროტესტოთ თქვენი პერსონალური ინფორმაციის დამუშავება, მოითხოვოთ ინფორმაციის ანონიმიზება ან წაშლა საჭიროების შესაბამისად, ან განახორციელოთ თქვენი უფლება მონაცემების პორტაბელურობასთან დაკავშირებით, რათა მარტივად გადასცეთ თქვენი პერსონალური ინფორმაცია სხვა კომპანიას. გარდა ამისა, თქვენ ასევე შეიძლება, გქონდეთ საჩივრის შეტანის უფლება შესაბამის ზედამხედველ ან მარეგულირებელ ორგანოში, მათ შორის, თქვენს საცხოვრებელ ქვეყანაში, სამუშაო ადგილას ან იქ, სადაც მოხდა ინციდენტი. 

• ნებისმიერ დროს, რაიმე ფასის გადახდის გარეშე გააუქმოთ ნებისმიერი თანხმობა, რომელიც ადრე მოგვაწოდეთ თქვენი პერსონალური ინფორმაციის დამუშავებასთან დაკავშირებით. თანხმობის გაუქმების შემდეგ ჩვენ გავითვალისწინებთ თქვენს პრეფერენციებს და ეს გავლენას არ მოახდენს იმ დამუშავების კანონიერებაზე, სანამ გააუქმებდით თქვენს თანხმობას.  

Mastercard-ის მიერ, მსოფლიოს მასშტაბით, კალიფორნიის მომხმარებელთა კონფიდენციალურობის დაცვის აქტის და მონაცემთა კონფიდენციალურობის დაცვის შესახებ კანონების შესაბამისად განხილული ინფორმაციის კონფიდენციალურობის დაცვის მოთხოვნათა რაოდენობის შესახებ ინფორმაციის მისაღებად, გთხოვთ, იხილოთ “ჩემი მონაცემების ანგარიშის” განყოფილება “ჩემი მონაცემების” პორტალზე. 

თქვენ შეგიძლიათ უარი თქვათ თქვენი პერსონალური ინფორმაციის გარკვეულ დამუშავებაზე, მაგ., ჩვენი უარის თქმისთვის განკუთვნილი ვებგვერდის მეშვეობით. 

გაითვალისწინეთ, რომ ეს სია შეიძლება არ იყოს ამომწურავი, რაც ნიშნავს იმას, რომ თქვენ გაქვთ დამატებითი უფლებები თქვენი ადგილობრივი კანონების შესაბამისად. გარდა ამისა, ზემოაღნიშნული უფლებები შეიძლება ზოგიერთ შემთხვევაში შეიზღუდოს, ადგილობრივი კანონმდებლობის მოთხოვნების გათვალისწინებით. 

თქვენი პრეფერენციების გასაახლებლად შეგიძლიათ მოგვთხოვოთ თქვენი ინფორმაციის წაშლა ჩვენი ელფოსტების ადრესატთა სიებიდან ან გამოგვიგზავნოთ მოთხოვნა მოქმედი კანონმდებლობის შესაბამისად თქვენი უფლებებით სარგებლობისთვის, დაგვიკავშირდით, როგორც მითითებულია ქვემოთ, განყოფილებაში “როგორ დაგვიკავშირდეთ“.  

ჩვენ შევქმენით Mastercard-ის პორტალი “ჩემი მონაცემები”, რათა გაგიადვილოთ თქვენი უფლებების განხორციელება. თქვენ ან თქვენი სახელით მოქმედებაზე უფლებამოსილ მხარეს შეგიძლიათ განახორციელოთ თქვენი უფლებები Mastercard-ის პორტალის “ჩემი მონაცემები” მეშვეობით, ან მოთხოვნის წარდგენით, როგორც ეს აღწერილია ქვემოთ, “როგორ დაგვიკავშირდეთ” განყოფილებაში. 

თუ ჩვენ ვერ გავამართლეთ თქვენი მოლოდინები თქვენი პერსონალური ინფორმაციის დამუშავებასთან დაკავშირებით ან თუ გსურთ პრეტენზიის გამოთქმა ჩვენი კონფიდენციალურობის დაცვის პრაქტიკებთან დაკავშირებით, გთხოვთ შეგვატყობინოთ, რადგან ეს გვაძლევს პრობლემის გადაჭრის შესაძლებლობას. იმისთვის, რომ დაგვეხმაროთ თქვენს მოთხოვნაზე პასუხის გაცემაში, გთხოვთ, მოგვაწოდოთ პრობლემის ყველა დეტალი. ჩვენ ვცდილობთ, გონივრულ ვადაში და მოქმედი კანონმდებლობის შესაბამისად განვიხილოთ ყველა პრეტენზია და ვუპასუხოთ მათ. 

APEC-ის სერტიფიცირების შესახებ მეტი ინფორმაციის მისაღებად და დავის გადაწყვეტაზე წვდომის მოსაპოვებლად, გთხოვთ, დააწკაპუნოთ TRUSTe ბეჭედზე. 

Mastercard არის გლობალური ბიზნესი. ჩვენ შეიძლება გადავცეთ თქვენს შესახებ შეგროვებული პერსონალური ინფორმაცია მიმღებებს თქვენი ქვეყნის მიღმა სხვა ქვეყნებში, მათ შორის, ამერიკის შეერთებულ შტატებში, სადაც მდებარეობს ჩვენი სათავო ოფისი. ამ ქვეყნებში შეიძლება არ მოქმედებდეს მონაცემთა დაცვის იგივე კანონები, როგორც იმ ქვეყანაში, საიდანაც თავდაპირველად მოგვაწოდეთ ინფორმაცია. როდესაც თქვენს პერსონალურ ინფორმაციას გადავცემთ სხვა ქვეყნებს, ჩვენ დავიცავთ ამ ინფორმაციას, როგორც ეს აღწერილია კონფიდენციალურობის ამ დებულებაში, ან როგორც მოხდა თქვენთან შეთანხმება მონაცემთა შეგროვების დროს. 

ჩვენ ვიცავთ მოქმედ საკანონმდებლო მოთხოვნებს, როდესაც პერსონალურ ინფორმაციას გადავცემთ იმ ქვეყნებს, რომლებიც არ არის თქვენი მდებარეობის ქვეყანა. კერძოდ, ჩვენ განვსაზღვრეთ და ვიყენებთ სავალდებულო კორპორატიულ წესებს (“BCR-ებს”), რომელიც აღიარებულია EEA-ს და გაერთიანებული სამეფოს მონაცემთა დაცვის ორგანოების მიერ, როგორც ჩვენ მიერ მსოფლიოს მასშტაბით დამუშავებული პერსონალური მონაცემების დაცვის ადეკვატური დონის უზრუნველმყოფი დოკუმენტი. ჩვენი BCR-ების ასლი ხელმისაწვდომია აქ.  

ჩვენ ასევე შეიძლება, გადავცეთ პერსონალური ინფორმაცია იმ ქვეყნებს, რომელთა მიმართაც გამოცემულია ადეკვატურობის შესახებ გადაწყვეტილებები ან გამოვიყენოთ სახელშეკრულებო დაცვის მექანიზმები პერსონალური ინფორმაციის მესამე მხარეებისთვის გადაცემისთვის, როგორიცაა ევროკომისიის სტანდარტული სახელშეკრულებო დებულებები ან მათი ექვივალენტი შესაბამისი კანონმდებლობის მიხედვით ან დავეყრდნობით მონაცემთა გადაცემის სხვა კანონიერ მექანიზმებს საჭიროებისამებრ. შეგიძლიათ დაგვიკავშირდეთ, როგორც ეს მითითებულია ქვემოთ, “როგორ დაგვიკავშირდეთ” განყოფილებაში, რათა მიიღოთ უსაფრთხოების იმ ზომების ასლი, რომლებსაც ვიყენებთ თქვენი ქვეყნის გარეთ პერსონალური ინფორმაციის გადაცემისას. 

გარდა ამისა, Mastercard-ის კონფიდენციალურობის პრაქტიკები, რომლებიც აღწერილია კონფიდენციალურობის ამ შეტყობინებაში, შეესაბამება APEC-ის კონფიდენციალურობის ტრანსსასაზღვრო წესების სისტემას. APEC CBPR სისტემა ორგანიზაციებისთვის განსაზღვრავს ჩარჩოს, რათა უზრუნველყოფილ იქნეს APEC-ის წევრ ქვეყნებს შორის გადაცემული პერსონალური ინფორმაციის დაცვა. დამატებითი ინფორმაცია APEC-ის ჩარჩოს შესახებ შეგიძლიათ იხილოთ აქ. 

თუ თქვენ იმყოფებით კონტინენტურ ჩინეთში, აცნობიერებთ, რომ თქვენ შესახებ შეგროვებული პერსონალური ინფორმაცია შეიძლება გადავცეთ კონტინენტური ჩინეთის გარეთ მდებარე ქვეყნებში ან რეგიონებში მყოფ მიმღებებს, მათ შორის Mastercard International Incorporated-ს აშშ-ში და Mastercard Asia/Pacific Pte. Limited-ს სინგაპურში და აქ ჩამოთვლილ სხვა ფილიალებს. როდესაც ჩვენ ვახორციელებთ პერსონალური ინფორმაციის საერთაშორისო გადაცემებს, ჩვენ ყოველთვის უზრუნველვყოფთ მოქმედი კანონმდებლობით გათვალისწინებული მოთხოვნების დაცვას. Priceless-ის სერვისების გამოყენებით ჩაითვლება, რომ თქვენ დაეთანხმეთ ჩვენი მხრიდან თქვენი პერსონალური ინფორმაციის ტრანსსასაზღვრო გაზიარებას კონტინენტური ჩინეთის გარეთ მდებარე ქვეყნებში ან რეგიონებში მყოფ მიმღებებთან, კონფიდენციალურობის ამ შეტყობინების შესაბამისად. 

თქვენი პერსონალური ინფორმაციის უსაფრთხოება მნიშვნელოვანია Mastercard-ისთვის. ჩვენ ვიცავთ ჩვენ მიერ შეგროვებულ ინფორმაციას. ჩვენ ვინარჩუნებთ გონივრულ ადმინისტრაციულ, ტექნიკურ და ფიზიკური უსაფრთხოების ზომებს, რომლებიც შექმნილია თქვენს მიერ მოწოდებული ან ჩვენ მიერ შეგროვებული პერსონალური ინფორმაციის დასაცავად შემთხვევითი, უკანონო ან არაავტორიზებული განადგურებისგან, დაკარგვისგან, შეცვლისგან, წვდომისგან, გამჟღავნებისგან ან გამოყენებისგან. ჩვენ ვიყენებთ SSL დაშიფვრას ჩვენს რამდენიმე ვებგვერდზე, საიდანაც ვახდენთ გარკვეული პერსონალური ინფორმაციის გადაცემას. 

ჩვენ ასევე ვიღებთ ზომებს თქვენი პერსონალური ინფორმაციის წასაშლელად ან ისეთი ფორმით შესანახად, რომელიც არ იძლევა თქვენი იდენტიფიცირების საშუალებას, როდესაც ეს ინფორმაცია აღარ არის საჭირო იმ მიზნებისთვის, რომელთათვისაც მას ვამუშავებთ, თუ კანონი არ გვავალდებულებს ამ ინფორმაციის უფრო ხანგრძლივი დროით შენახვას. შენახვის პერიოდის განსაზღვრისას ჩვენ ვითვალისწინებთ სხვადასხვა კრიტერიუმს, როგორებიცაა თქვენ მიერ მოთხოვნილი ან ჩვენ მიერ მოწოდებული პროდუქტებისა და სერვისების ტიპი,  თქვენთან ჩვენი ურთიერთობის ბუნება და ხანგრძლივობა, ჩვენს პროდუქტებთან ან სერვისებთან შესაძლო ხელახალი გადაკვეთა, გავლენა ჩვენ მიერ თქვენთვის მოწოდებულ სერვისებზე, თუ წავშლით გარკვეულ ინფორმაციას თქვენგან ან თქვენს შესახებ, კანონით გათვალისწინებული სავალდებულო შენახვის პერიოდები და ხანდაზმულობის ვადა. 

ჩვენმა ვებგვერდებმა შეიძლება მოგაწოდოთ ბმულები სხვა ვებგვერდებზე თქვენი კომფორტისა და ინფორმირებულობისთვის. ჩვენი ვებგვერდი ასევე შეიძლება შეიცავდეს გარკვეულ ფუნქციებს, რისთვისაც ჩვენ ვთანამშრომლობთ სხვა ორგანიზაციებთან. ამ ორგანიზაციებს შეუძლიათ შეიტყონ თქვენი ვიზიტის შესახებ, მიუხედავად იმისა, იყენებთ თუ არა ამ ფუნქციებს. ეს ვებგვერდები და ფუნქციები, რომლებიც შეიძლება, შეიცავდეს სოციალური მედიისა და გეოლოკაციის ინსტრუმენტებს, ოპერირებენ Mastercard-ისგან დამოუკიდებლად და აღნიშნულის შესახებ გარკვევით არის მითითებული. რამდენადაც ყველა დაკავშირებული ვებგვერდი ან ფუნქცია, რომლებსაც სტუმრობთ ან იყენებთ, არ არის Mastercard-ის საკუთრებაში ან მისი კონტროლის ქვეშ, გირჩევთ, გადახედოთ ამ ვებგვერდების კონფიდენციალურობის დაცვის პრაქტიკებს. 

Mastercard გთავაზობთ შესაძლებლობას გააზიაროთ, დააკავშიროთ ან სოციალურ მედიაში ახსენოთ ინფორმაცია Mastercard-ის პროდუქტებისა და სერვისების შესახებ. მაგალითად, შეგიძლიათ თქვენი Facebook-ის ანგარიშის მეშვეობით “მოიწონოთ“ შეთავაზება ან “დატვიტოთ“ შეთავაზება X-ის (ადრე ცნობილი როგორც Twitter) გამოყენებით. როდესაც სტუმრობთ ვებგვერდს სოციალური ქსელის ღილაკის მეშვეობით, თქვენი ბრაუზერი ამყარებს პირდაპირ კავშირს ამ სოციალური ქსელის პროვაიდერთან და თქვენი ვიზიტის შესახებ მონაცემები, მათ შორის, IP მისამართი, გადაეცემა სოციალური ქსელის პროვაიდერს. თუ თქვენ გაქვთ ანგარიში სოციალური მედიის პროვაიდერთან, პროვაიდერმა შეიძლება დააკავშიროს თქვენი ვიზიტი თქვენს ანგარიშთან მაშინაც კი, თუ თქვენ არ ხართ შესული ამ ანგარიშში. 

თქვენ ასევე შეგიძლიათ გამოიყენოთ გარკვეული ფუნქციები ჩვენს ვებგვერდებზე, რომლებზეც წვდომა შესაძლებელია სხვა ორგანიზაციების გავლით ან რომლებისთვისაც ჩვენ ვთანამშრომლობთ სხვა ორგანიზაციებთან, რომლებიც სხვაგვარად არ არის დაკავშირებული Mastercard-თან. ეს ფუნქციები, მათ შორის, გეოლოკაციის ინსტრუმენტები, იმართება მესამე მხარეების მიერ და აღნიშნულის შესახებ გარკვევით არის მითითებული. სოციალური მედიის პროვაიდერები, როგორებიცაა Facebook და X (ადრე ცნობილი როგორც Twitter), და ეს სხვა მესამე მხარეები დამოუკიდებელნი არიან Mastercard-ისგან და არ არის აუცილებელი, ისინი იზიარებდნენ კონფიდენციალურობის დაცვის შესახებ იმავე პოლიტიკას, როგორც ეს Mastercard-ის შემთხვევაშია. გთხოვთ, გადახედოთ კონფიდენციალურობის შესახებ მათ შეტყობინებებს, თუ გადაწყვეტთ მათი სერვისების გამოყენებას და გადახედეთ თქვენი სოციალური მედიის ანგარიშის პარამეტრებს, თუ გსურთ გარკვეული ფუნქციების გამორთვა. 

Mastercard-ის პროდუქტები და სერვისები არ მოიცავს 16 წლამდე ასაკის ბავშვებს და არ არის მათთვის განკუთვნილი. თუმცა, Mastercard-ს შეუძლია დაამუშაოს პერსონალური ინფორმაცია 16 წლამდე ასაკის ბავშვების შესახებ მშობლის ან მეურვის თანხმობით, ან სხვა სამართლებრივ საფუძველზე დაყრდნობით, მოქმედი კანონმდებლობის შესაბამისად. თუ შეიტყობთ, რომ Mastercard ამუშავებს ბავშვის პერსონალურ ინფორმაციას კონფიდენციალურობის დაცვის ამ დებულების დარღვევით, შეგიძლიათ ამის შესახებ გვაცნობოთ მისამართზე privacyanddataprotection@mastercard.com. 

კონფიდენციალურობის ეს დებულება შეიძლება, დროდადრო განახლდეს, რათა ავსახოთ ჩვენი პერსონალური ინფორმაციის დაცვის პრაქტიკებში შეტანილი ცვლილებები. ჩვენ გამოვაქვეყნებთ თვალსაჩინო შეტყობინებას შესაბამის ვებგვერდებზე, რათა გაცნობოთ ჩვენი კონფიდენციალურობის დებულებაში შეტანილი ნებისმიერი მნიშვნელოვანი ან არსებითი ცვლილების შესახებ, სანამ ისინი ძალაში შევა, და კონფიდენციალურობის დებულების ზედა ნაწილში მივუთითებთ, როდის მოხდა მისი ბოლო განახლება. თუ ჩვენ განვაახლებთ ჩვენს კონფიდენციალურობის დებულებას, გარკვეულ გარემოებებში შეიძლება, მოვითხოვოთ თქვენი თანხმობა. 

თუ თქვენ იმყოფებით შეერთებულ შტატებში, ეს აშშ-ს კონფიდენციალურობის დამატება ავსებს ზემოხსენებულ ინფორმაციას კონკრეტული შტატებისთვის, როგორც ეს განმარტებულია მე-11 ნაწილში. 

თუ გაქვთ რაიმე შეკითხვა, კომენტარი ან პრეტენზია კონფიდენციალურობის ამ დებულებასთან და ჩვენს კონფიდენციალურობის დაცვის პრაქტიკებთან დაკავშირებით, ან გსურთ განაახლოთ თქვენი კონფიდენციალურობის პარამეტრები, გთხოვთ, გამოგვიგზავნოთ ელ-ფოსტა მისამართზე: privacyanddataprotection@mastercard.com ან მოგვწეროთ შემდეგ მისამართზე: 

კონფიდენციალურობის გლობალური დაცვის ოფისი 

Mastercard International Incorporated 

2000 Purchase Street 

Purchase, New York 10577 

USA 

თუ თქვენ იმყოფებით EEA-ში ან შვეიცარიაში, Mastercard Europe SA არის ორგანიზაცია, რომელიც პასუხისმგებელია თქვენი პერსონალური ინფორმაციის დამუშავებაზე. თქვენ შეგიძლიათ გამოგვიგზავნოთ მოთხოვნა თქვენს პერსონალურ ინფორმაციასთან დაკავშირებით უფლებების განხორციელების შესახებ Mastercard-ის პორტალზე “ჩემი მონაცემები”, ან გამოგვიგზავნოთ ელფოსტის მისამართზე: privacyanddataprotection@mastercard.com, ან მოგვწეროთ შემდეგ მისამართზე: 

EEA-ის მონაცემთა დაცვის ოფიცერი 

Mastercard Europe SA 

Chaussée de Tervuren 198A 

B-1410 Waterloo 

Belgium 

თუ თქვენ იმყოფებით ბრაზილიაში, Mastercard Brasil Soluções de Pagamento Ltda. არის ორგანიზაცია, რომელიც პასუხისმგებელია თქვენი პერსონალური ინფორმაციის დამუშავებაზე. თქვენ შეგიძლიათ გამოგვიგზავნოთ მოთხოვნა თქვენს პერსონალურ ინფორმაციასთან დაკავშირებით უფლებების განხორციელების შესახებ Mastercard-ის პორტალზე “ჩემი მონაცემები”, ან გამოგვიგზავნოთ ელფოსტის მისამართზე: privacyanddataprotection@mastercard.com, ან მოგვწეროთ შემდეგ მისამართზე: 

ბრაზილიის მონაცემთა დაცვის ოფიცერი 

Mastercard Brasil Soluções de Pagamento Ltda. 

Avenida das Nações Unidas, 14,171, 20 andar, Crystal Tower 

São Paulo/SP 

Brasil 

CEP 04794-000 

თუ თქვენ იმყოფებით აზია-წყნარი ოკეანიის რეგიონში (კონტინენტური ჩინეთის გარდა), ახლო აღმოსავლეთში, ან აფრიკაში, Mastercard Asia Pacific Pte. Ltd.  არის ორგანიზაცია, რომელიც პასუხისმგებელია თქვენი პერსონალური ინფორმაციის დამუშავებაზე. თქვენ შეგიძლიათ გამოგვიგზავნოთ მოთხოვნა თქვენს პერსონალურ ინფორმაციასთან დაკავშირებით უფლებების განხორციელების შესახებ ელფოსტით შემდეგ მისამართზე: privacyanddataprotection@mastercard.com ან მოგვწეროთ შემდეგ მისამართზე: 

აზია-წყნარი ოკეანიის, ახლო აღმოსავლეთისა და აფრიკის მონაცემთა დაცვის ოფიცერი 

Mastercard Asia/Pacific Pte Ltd 

3 Fraser Street, DUO Tower, Level 17 

Singapore 189352 

თუ თქვენ იმყოფებით კონტინენტურ ჩინეთში, Mastercard Shanghai Business Consulting Ltd არის ორგანიზაცია, რომელიც პასუხისმგებელია თქვენი პერსონალური ინფორმაციის დამუშავებაზე. თქვენ შეგიძლიათ გამოგვიგზავნოთ მოთხოვნა თქვენს პერსონალურ ინფორმაციასთან დაკავშირებით უფლებების განხორციელების შესახებ ელფოსტით შემდეგ მისამართზე: privacyanddataprotection@mastercard.com ან მოგვწეროთ შემდეგ მისამართზე: 

Ჩინეთის მონაცემთა დაცვის ოფიცერი 

Room 2907-14, Part of 29/F Tower 2 

Shanghai IFC, 8 Century Avenue 

China (Shanghai) Pilot Free Trade Zone