Սույն Գաղտնիության ծանուցման համատեքստում «Անձնական տվյալներ» նշանակում է ցանկացած տեղեկատվություն, որը վերաբերում է նույնականացված կամ նույնականացման ենթակա անհատին: Priceless ծառայությունների հետ կապված՝ Ձեր անձնական տվյալները մենք հավաքագրում ենք տարբեր աղբյուրներից, ինչպես նկարագրված է ստորև։ 

Եթե կիրառելի է, մենք նշում ենք, թե արդյոք Դուք պետք է և ինչու պետք է մեզ տրամադրեք Ձեր անձնական տվյալները, ինչպես նաև դա չանելու հետևանքները։ Եթե Դուք չեք տրամադրում անձնական տվյալներ, երբ պահանջվում է, Դուք հնարավոր է՝ չկարողանաք օգտվել Priceless ծառայություններից, եթե այդ տեղեկատվությունն անհրաժեշտ է Ձեզ ծառայությունը տրամադրելու համար, կամ եթե մեզնից օրինական կերպով պահանջվում է հավաքագրել այն: 

Ձեր կողմից տրամադրվող Անձնական տվյալները 

• Օգտատիրոջ գրանցման և մուտքի մանրամասները. Երբ գրանցվում եք որպես Priceless ծառայությունների օգտատեր, մենք վերցնում ենք Ձեր էլ. հասցեն և Ձեր ընտրած գաղտնաբառը և ստեղծում եզակի նույնականացման համարով հաշիվ: Մենք կարող ենք նաև խնդրել Ձեր անձնական հաշվեհամարը, որպեսզի կարողանանք հաստատել իրավասությունը, բայց մենք այն չենք պահում որպես Ձեր՝ որպես օգտատիրոջ պրոֆիլի մաս: Սովորաբար Ձեզնից չի պահանջվում գրանցվել որպես օգտատեր, երբ Priceless Ծառայությունները Ձեզ են տրամադրվում Ձեր քարտը թողարկողի կողմից, բացառությամբ այն դեպքերի, երբ Դուք ցանկանում եք մասնակցել աճուրդի:  
• Կոնտակտային տվյալներ և վճարման մասին տեղեկատվություն. Երբ Դուք ընտրում եք որևէ Առաջարկ և վճարում եք (եթե կիրառելի է) այդ Առաջարկի համար, մենք կարող ենք հավաքագրել Ձեր կոնտակտային տվյալները (ինչպիսիք են՝ օգտանունը, անունը, էլ․ փոստի հասցեն, հեռախոսահամարը և բնակության հասցեն) և, եթե կիրառելի է, վճարման տվյալները (ինչպիսիք են՝ անունը, էլ.փոստի հասցեն, հեռախոսահամարը, վճարման կամ առաքման հասցեն, անձնական հաշվի համարը, քարտի գործողության ժամկետը և քարտի հաստատման կոդը):  
• Խաղարկության մասնակցության և առաքման մասին տեղեկատվություն Երբ Դուք մասնակցում եք Մաստերքարտի կողմից կազմակերպված խաղարկության, մենք հիմնականում հավաքագրում ենք հետևյալ տվյալները՝ Ձեր անունը, էլ․ փոստի հասցեն, հեռախոսահամարը և բնակության հասցեն։ 
• Տեղեկություն, որ մենք մշակում ենք Ձեզ Priceless ծառայություններ տրամադրելու համար Կախված մատուցվող Priceless ծառայությունից՝ մենք կարող ենք հավաքագրել տարբեր տիպի անձնական տվյալներ։ Օրինակ՝ այնպիսի Priceless ծառայության համար, որը նախագծված է Ձեզ մատուցելու տեղորոշման հիման վրա ծառայություններ, անհրաժեշտ կլինի հավաքագրել տվյալներ Ձեր հասցեի և տեղանքի վերաբերյալ։ Բոլոր այս ծրագրերը կամավորական հիմունքներով են իրականացվում, և Ձեր անձնական տվյալները հավաքագրվում են, միայն եթե Դուք բաժանորդագրվում եք Priceless ծառայություններին։  
• Այլ տեղեկատվություն, որ Դուք կորոշեք տրամադրել Priceless ծառայությունների վերաբերյալ, որ կհստակեցվի տվյալների հավաքագրման պահին։  

Երրորդ անձանցից տրամադրվող անձնական տվյալներ 

Մենք կարող ենք Ձեր մասին անձնական տվյալներ հավաքագրել այլ երկրում գտնվող երրորդ անձանցից։ Օրինակ՝ Priceless ծառայությունների մեկ այլ օգտատեր կարող է մեզ տրամադրել նվեր ստացողի կոնտակտային տվյալները, մեկ այլ անհատ, ով Priceless փորձառությամբ կկիսվի գնորդի հետ, կամ անձ, ում օգտատերը ցանկանում է հրավիրել՝ օգտվելու Priceless ծառայություններից:  

Անձնական տվյալներ, որ մենք ստանում ենք Priceless ծառայությունների, Մաստերքարտի գովազդների, կայքերի, հավելվածների կամ այլ թվային ակտիվների հետ Ձեր փոխգործակցությունից։ 

Մենք, մեր ծառայություն մատուցողները և գործընկերները կարող ենք Ձեր մասին որոշակի տեղեկություն հավաքագրել այնպիսի ավտոմատացված միջոցներով, ինչպիսիք թխուկները, վեբ-փարոսները և նման այլ տեխնոլոգիաներն են (բոլորը միասին՝ «Թխուկներ»), երբ Դուք փոխգործակցեք Priceless ծառայությունների հետ։ Մեր կողմից նման կերպ հավաքագրված տեղեկությունը կարող է ներառել՝ IP հասցեն, բրաուզերի տեսակը, օպերացիոն համակարգը, շարժական սարքի նույնացուցիչը, աշխարհագրական տարածքը, հղումային URL-ները և Priceless ծառայությունների հետ կատարված գործողությունների կամ փոխգործակցության մասին տեղեկատվություն: «Թխուկ»-ը տեքստային ֆայլ է, որը տեղադրված է վեբ սերվերի կողմից համակարգչի կոշտ սկավառակի վրա: «Վեբ փարոսը», որը նաև հայտնի է որպես ինտերնետային պիտակ, պիքսելային թեգ կամ պարզ GIF, տեխնոլոգիա է, որն օգնում է մեզ պարզել, թե երբ են մուտք գործել տվյալ բովանդակություն: 

Մենք օգտագործում ենք այս տեղեկատվությունը՝ բարելավելու համար Priceless ծառայությունները և մեր մյուս առցանց ապրանքներն ու ծառայությունները՝ գնահատելով, թե քանի օգտատեր է մուտք գործում կամ օգտագործում մեր առցանց ապրանքներն ու ծառայությունները, թե մեր առցանց ապրանքների և ծառայությունների որ բովանդակությունը, ապրանքներն ու գործառույթներն են ամենաշատը հետաքրքրում մեր այցելուներին, թե ինչ տեսակի առաջարկներ են սիրում տեսնել մեր հաճախորդները և թե ինչ կատարողական ունեն մեր առցանց ապրանքներն ու ծառայությունները տեխնիկական տեսանկյունից: Օրինակ՝ մենք կարող ենք օգտագործել երրորդ կողմի, ինչպիսին է Adobe-ը, վեբ վերլուծական ծառայությունները Priceless ծառայությունների համար։ Վերլուծություն կատարողները, որ կառավարում են այս ծառայությունները, օգտագործում են թխուկներ՝ օգնելու մեզ վերլուծել, թե ինչպես են այցելուներն օգտագործում Priceless ծառայությունները: 

Մենք, մեր ծառայություն մատուցողները և գործընկերները կարող ենք նաև տեղեկություն հավաքագրել Ձեր վերաբերյալ այն նպատակով, որ կարողանանք տրամադրել Ձեր անհատական հետաքրքրություններին համապատասխանող բովանդակություն և գովազդներ։ Այս նպատակների համար հավաքագրված տեղեկությունը կարող է ներառել այնպիսի մանրամասներ, ինչպիսիք են կոնկրետ էջերը կամ գովազդները, որոնք Դուք դիտում եք «Priceless ծառայությունների» համատեքստում և այդ համատեքստում Ձեր կողմից ձեռնարկվող գործողությունները: 

Գործող օրենսդրությամբ սահմանված դեպքերում մենք ստանում ենք Ձեր համաձայնությունը՝ նախքան վերը նշված ավտոմատ միջոցներն օգտագործելը և նախքան Ձեզ մարքեթինգային հաղորդակցություններ, համապատասխան բովանդակություն և գովազդ ուղարկելը:  

Տե՛ս այս Գաղտնիության ծանուցման «Ձեր իրավունքները և ընտրության հնարավորությունները» բաժինը՝ Ձեր ընտրության հնարավորությունների մասին իմանալու համար: 

Քանի որ դեռևս համաձայնություն չկա այն մասին, թե ինչպես պետք է ընկերությունները արձագանքեն վեբ բրաուզերի վրա հիմնված «չհետևել (do-not-track «DNT») մեխանիզմներին», Մաստերքարտն այս պահին չի արձագանքում վեբ բրաուզերի վրա հիմնված DNT ազդանշաններին: Բրաուզերի հետագծման ազդանշանների և DNT-ի մասին ավելի մանրամասն իմանալու համար անցի՛ր http://www.allaboutdnt.com հղումով։ 

Կախված աշխարհագրական դիրքից, որտեղից Դուք մուտք եք գործում Priceless ծառայություններ, Դուք կարող եք թույլատրել կամ մերժել թխուկները, որոնք խիստ անհրաժեշտ չեն Priceless ծառայություններից օգտվելու համար, երբ առաջին անգամ մուտք եք գործում կայք կամ հավելված, և դրանից հետո ցանկացած ժամանակ՝ սեղմելով «Կառավարել թխուկները» կոճակը կամ էջի ներքևում գտնվող հղումը։  

Կախված այն երկրից, որտեղ Դուք գտնվում եք, մենք կմշակենք Ձեր Անձնական տվյալները միայն այն դեպքում, երբ կունենանք ստորև սահմանված իրավական հիմքերը։ 

Գործող օրենսդրությամբ պահանջվող դեպքերում մենք իրականացրել ենք տվյալների մշակման բալանսավորման թեստեր՝ հիմնված մեր կամ երրորդ կողմի օրինական շահերի վրա համոզվելու համար, որ այդ օրինական շահը չի սահմանափակվում Ձեր շահերով, հիմնարար իրավունքներով կամ ազատություններով: Մեր բալանսավորման թեստերի մասին լրացուցիչ տեղեկությունների համար կարող եք կապվել մեզ հետ, ինչպես նկարագրված է ստորև՝ «Ինչպես կապվել մեզ հետ» բաժնում: 

Մենք Ձեզ չենք ենթարկի այնպիսի որոշման, որը հիմնված է տվյալների բացառապես ավտոմատացված մշակման վրա, որն առաջացնում է իրավական հետևանքներ Ձեր նկատմամբ կամ նման կերպ էականորեն ազդում Ձեզ վրա, եթե Դուք հստակ համաձայնություն չեք տվել մշակմանը․ մշակումն անհրաժեշտ է Ձեր և Մաստերքարտի միջև պայմանագիր կնքելու կամ պայմանագրի կետերը կատարելու համար կամ երբ մեզնից օրինական կերպով պահանջվում է այս կերպ օգտագործել Ձեր անձնական տվյալները, օրինակ՝ խարդախությունը կանխելու համար: 

Եթե Դուք մեզ տրամադրում եք որևէ տվյալ կամ նյութ, որը վերաբերում է մեկ այլ անձի, Դուք պետք է համոզվեք, որ մեզ հետ այդ տեղեկատվությամբ կիսվելը և դրա մեր հետագա օգտագործումը, ինչպես ձեզ պարբերաբար ներկայացվում է, համապատասխանում է գործող օրենքներին, ուստի, օրինակ, Դուք պետք է պատշաճ կերպով տեղեկացնեք այդ անհատին իր անձնական տվյալները մշակելու մասին և ստանաք նրա համաձայնությունը՝ ըստ գործող օրենսդրության անհրաժեշտության։ 

Մենք չենք բացահայտում Ձեր մասին հավաքագրված անձնական տվյալները, բացառությամբ այն դեպքերի, որոնք նկարագրված են սույն Գաղտնիության ծանուցման մեջ կամ այլ կերպ ներկայացվել են Ձեզ տվյալների հավաքագրման պահին:  

Մենք չենք վաճառում Ձեր մասին հավաքագրված անձնական տվյալները, ինչպես սահմանված է Կալիֆորնիայի սպառողների գաղտնիության մասին ակտով: Տե՛ս «Տվյալների փոխանցումներ» բաժինը ստորև՝ հասկանալու համար, թե ինչպես ենք մենք համապատասխանում անդրսահմանային տվյալների փոխանցման գործող կանոններին: 

Մենք կարող ենք կիսվել Ձեր անձնական տվյալներով. 

• Ֆինանսական հաստատությունների և այլ կազմակերպությունների հետ, որոնք թողարկում են վճարային քարտեր կամ վաճառողների հետ՝ վճարային գործարքները մշակելու և Ձեր կողմից պահանջված այլ գործողություններ կատարելու համար: 

• Այն կազմակերպությունների հետ, որոնք համագործակցում են Մաստերքարտի հետ կամ օգնում են Մաստերքարտին Առաջարկներ տրամադրելու հարցում, ինչպիսիք են վաճառողները և միության գործընկերները (ներառյալ ոչ առևտրային կազմակերպությունները), որոնք իրականացնում են Ձեր գնած Առաջարկը: Օրինակ, եթե Դուք գնում եք Priceless ծառայություն ռեստորանում, սպորտային իրադարձության կամ մրցանակաբաշխության համար, մենք Ձեր անձնական տվյալները կհայտնենք Առաջարկի մատակարար վաճառողին (օրինակ՝ ռեստորան)՝ Ձեզ տրված Առաջարկն իրականացնելու համար կամ եթե այլ կերպ կա դրա անհրաժեշտությունը՝ Ձեզ Priceless ծառայություններ մատուցելու համար: Նման երրորդ կողմերը կարող են այդպիսի տվյալների մշակման առումով հանդես գալ որպես տվյալների վերահսկիչ, որպեսզի Ձեզ լրացուցիչ Priceless ծառայություններ տրամադրեն։  

• Ֆինանսական հաստատությունների կամ միևնույն բրենդի ներքո հանդես եկող գործընկերների հետ, որոնց հետ այդ առաջարկների հետ կապված մենք առաջարկում կամ մշակում ենք ապրանքներ և ծառայություններ: 

• Մեր ծառայություններ մատուցողների հետ, ովքեր ծառայություններ են մատուցում մեր անունից սույն Գաղտնիության ծանուցման մեջ նկարագրված նպատակների համար: Պայմանագրով մենք պահանջում ենք այս ծառայություններ մատուցողներից մշակել անձնական տվյալները միայն մեր հրահանգներին համապատասխան և ըստ անհհրաժեշտության՝ ծառայություններ մատուցելու մեր անունից կամ գործող օրենսդրությանը համապատասխան: Մենք նաև պահանջում ենք նրանցից պաշտպանել մեր անունից մշակվող անձնական տվյալների անվտանգությունն ու գաղտնիությունը՝ իրականացնելով համապատասխան տեխնիկական և կազմակերպչական անվտանգության միջոցառումներ և գաղտնիության հետ կապված պարտավորություններ՝ ըստ որոնց աշխատակիցները մուտքագրում են անձնական տվյալներ:  

• Երրորդ կողմերի հետ, որոնց գործառույթները (օրինակ՝ երրորդ կողմի թխուկներ, վիջեթներ, փլագիններ) ինտեգրված են մեր արտադրանքներում և ծառայություններում: Լրացուցիչ մանրամասների համար խնդրում ենք ծանոթանալ սույն Գաղտնիության ծանուցման Բաժին 7-ին (Գործառույթներ և այլ կայքերի հղումներ): 

• Սոցիալական մեդիա ցանցերով, երբ Դուք ուղղակիորեն շփվում եք այդ հարթակներում: Լրացուցիչ մանրամասների համար խնդրում ենք ծանոթանալ սույն Գաղտնիության ծանուցման Բաժին 7-ին (Գործառույթներ և այլ կայքերի հղումներ): 

• Այլ երրորդ կողմերի հետ՝ Ձեր համաձայնությամբ։ 

• Ինչպես պահանջվում է գործող օրենքով կամ իրավական գործընթացով, կամ իրավապահ կամ պետական մարմինների հարցումներին պատասխանելու համար: Երբ մենք ստանում ենք նման հարցումներ, մենք հետևում ենք մեր Պարտադիր կորպորատիվ կանոններով սահմանված գործընթացին (տե՛ս ստորև՝ Տվյալների փոխանցման բաժին 5-ը), եթե կիրառելի է: 

• Այն դեպքերում, երբ մենք կարծում ենք, որ բացահայտումն անհրաժեշտ է անհատների կենսական շահերը պաշտպանելու, մեր Օգտագործման պայմանները կիրառելու, Մաստերքարտին վնասներից կամ ֆինանսական կորուստներից պաշտպանելու համար կամ կապված կասկածելի կամ փաստացի խարդախության կամ անօրինական գործունեության հետաքննության հետ: 

• Այն դեպքում, երբ մենք վաճառում կամ փոխանցում ենք մեր ամբողջ բիզնեսը կամ ակտիվները կամ դրանց մի մասը։ Եթե նման վաճառք կամ փոխանցում տեղի ունենա, մենք ողջամիտ ջանքեր կգործադրենք՝ ուղղորդելու փոխանցվողին օգտագործել Ձեր կողմից տրամադրված Անձնական տվյալները` սույն Գաղտնիության ծանուցմանը համահունչ: Նման վաճառքից կամ փոխանցումից հետո Դուք կարող եք կապվել այն կազմակերպության հետ, որին մենք փոխանցել ենք Ձեր անձնական տվյալները՝ այդ տեղեկատվության մշակման հետ կապված ցանկացած հարցումով: 

Դուք ունեք որոշակի իրավունքներ՝ կապված մեր կողմից պահպանվող Ձեր անձնական տվյալների հետ, և որոշակի ընտրության հնարավորություններ, թե ինչ անձնական տվյալներ ենք մենք հավաքագրում Ձեզնից, ինչպես ենք դրանք օգտագործում և ինչպես ենք հաղորդակցվում Ձեզ հետ: Դուք կարող ենք ընտրել. 

• Չտրամադրել անձնական տվյալներ Մաստերքարտին` ձեռնպահ մնալով վճարային գործարքներ կատարելուց կամ անձնական տվյալներ ուղղակիորեն մեզ ներկայացնելուց:  
• Հրաժարվել մեր կողմից Ձեր մասին որոշակի տեղեկությունների ավտոմատացված հավաքագրումից և օգտագործումից, երբ Priceless ծառայությունների համատեքստում այցելում եք կայք կամ հավելվածներ: Որոշ իրավասություններում Դուք կարող եք օգտագործել Ձեր ընտրության հնարավորությունները թխուկների հետ կապված՝ սեղմելով «Կառավարել թխուկները» կոճակը կամ էջի ներքևի հղումը: Ձեր բրաուզերը կարող է տեղեկացնել Ձեզ, թե ինչպես ծանուցվել և հրաժարվել Ձեր սարքում որոշակի տեսակի Թխուկների տեղադրումից: Նկատի ունեցեք, որ առանց որոշակի թխուկների Դուք չեք կարողանա օգտագործել Priceless ծառայությունների բոլոր հնարավորությունները:  
• Հրաժարվել մեր կողմից ավտոմատացված կերպով Ձեր մասին հավաքագրված տվյալների որոշակի օգտագործումից, երբ այցելում եք երրորդ կողմի կայքեր և հաղորդակցվում մեր գովազդի հետ։ Մենք կարող ենք օգտվել ծառայություններ մատուցողներից՝ այդ երրորդ կողմի կայքերում գովազդ ցուցադրելու համար: Այս գովազդները կարող են հարմարեցվել և մատուցվել՝ հիմնվելով այն տվյալների օգտագործման վրա, որոնք մենք և մեր գործընկերները հավաքագրել ենք մեր կայքերում և հավելվածներում: Բացի այդ, մեր ծառայություններ մատուցողներից և գործընկերներից ոմանք կարող են ժամանակի ընթացքում, ինչպես նաև երրորդ կողմի կայքերից տեղեկություններ հավաքագրել Ձեր առցանց գործունեության մասին՝ այս գովազդները հարմարեցնելու և տրամադրելու համար: Մաստերքարտի գովազդները երբեմն ուղեկցվում են պատկերներով, որոնք օգնում են սպառողներին (i) ավելին իմանալ այն մասին, թե ինչպես են օգտագործվում իրենց տվյալները և (ii) օգտագործել իրենց ընտրության հնարավորությունները՝ կապված իրենց տվյալների օգտագործման հետ: Եթե կիրառելի է, Դուք կարող եք սեղմել մեր նպատակային գովազդի պատկերակի վրա՝ իմանալու, թե գովազդային նպատակներով Ձեր դիտումներից հրաժարվելու կամ դիտումները սահմանափակելու ինչ հնարավորություններ ունեք: 
• Տեղեկացնել մեզ, որպեսզի չուղարկենք Ձեզ մարքեթինգային նամակներ՝ սեղմելով մեր կողմից ուղարկված մարքեթինգային նամակների չեղարկման հղումը կամ կապվելով մեզ հետ, ինչպես նշված է ստորև: Դուք նաև կարող եք հրաժարվել Մաստերքարտից մարքեթինգային նամակներ ստանալուց՝ սեղմելով այստեղ։ 
• Տվյալների վերլուծության նպատակով Ձեր անձնական տվյալների անանունացումից հրաժարվելու համար սեղմել այստեղ: 

Կախված այն երկրից, որտեղ գտնվում եք, Դուք կարող եք իրավասու լինել. 

• Պահանջել մեր կողմից Ձեր մասին պահպանվող անձնական տվյալների մատչում, ինչպես նաև տեղեկատվություն այդ տվյալների մասին, թարմացնել և ուղղել Ձեր անձնական տվյալներում առկա անճշտությունները, սահմանափակել Ձեր անձնական տվյալների մշակումը կամ առարկություններ ունենալ դրա վերաբերյալ, անանունացնել կամ ջնջել տեղեկատվությունն՝ ըստ անհրաժեշտության, կամ օգտագործել տվյալների տեղափոխելիության Ձեր իրավունքը՝ Ձեր անձնական տվյալները հեշտությամբ փոխանցելու այլ ընկերության: Բացի այդ, Դուք կարող եք նաև իրավունք ունենալ բողոք ներկայացնել վերահսկիչ մարմին՝ ներառյալ Ձեր բնակության երկրում, աշխատանքի վայրում կամ որտեղ միջադեպ է տեղի ունեցել: 
• Ցանկացած պահի և անվճար հետ կանչել մեզ նախկինում տրամադրված ցանկացած համաձայնություն՝ կապված Ձեր անձնական տվյալների մշակման հետ: Մենք հետագայում կկիրառենք Ձեր նախապատվությունները, և դա չի ազդի մշակման օրինականության վրա՝ նախքան Ձեր համաձայնությունը չեղարկելը:  

Մաստերքարտի գաղտնիության հարցումների քանակի վերաբերյալ տեղեկությունների համար, որոնք մշակվել են Կալիֆորնիայի սպառողների գաղտնիության մասին օրենքի և գաղտնիության համաշխարհային այլ օրենքների համաձայն, տե՛ս «Իմ տվյալները» բաժնի «Իմ տվյալների հաշվետվությունը» ենթաբաժինը: 

Դուք կարող եք հրաժարվել Ձեր անձնական տվյալների որոշակի մշակումից, օրինակ, հրաժարվելու համար նախատեսված մեր վեբկայքի միջոցով: 

Նկատի ունեցեք, որ այս ցանկը կարող է սպառիչ չլինել, ինչը նշանակում է, որ Դուք կարող եք լրացուցիչ իրավունքներ ունենալ տեղական օրենսդրությանը համապատասխան: Բացի այդ, վերը նշված իրավունքները կարող են որոշ հանգամանքներում սահմանափակվել տեղական օրենսդրության պահանջներով: 

Ձեր նախապատվությունները թարմացնելու համար խնդրեք մեզ հեռացնել Ձեր տվյալները մեր փոստային ցուցակներից կամ գործող օրենսդրության շրջանակում Ձեր իրավունքներից օգտվելու խդնրանք ներկայացրեք, կապվեք մեզ հետ ստորև նշված «Ինչպես կապվել մեզ հետ» բաժնում:  

Մենք մշակել ենք Մաստերքարտի «Իմ տվյալները» հարթակը՝ Ձեր իրավունքներից օգտվելը հեշտացնելու համար: Դուք կամ Ձեր անունից գործելու լիազորված կողմը կարող եք օգտվել Մաստերքարտի «Իմ տվյալները» հարթակում Ձեր իրավունքներից կամ հարցում ներկայացնելով, ինչպես նկարագրված է ստորև՝ «Ինչպես կապվել մեզ հետ» բաժնում: 

Եթե մենք չենք արդարացնում Ձեր ակնկալիքները Ձեր անձնական տվյալների մշակման հարցում կամ ցանկանում եք բողոք ներկայացնել մեր գաղտնիության քաղաքականության վերաբերյալ, խնդրում ենք տեղեկացնել մեզ, քանի որ դա մեզ հնարավորություն է տալիս շտկելու խնդիրը: Որպեսզի օգնեք մեզ արձագանքել Ձեր խնդրանքին, խնդրում ենք տրամադրել խնդրի ամբողջական մանրամասները: Մենք փորձում ենք դիտարկել բոլոր բողոքները և պատասխանել դրանց ողջամիտ ժամկետում և գործող օրենսդրությանը համապատասխան: 

Ասիական-խաղաղօվկիանոսյան տնտեսական համագործակցություն (APEC) հավաստագրման մասին ավելին իմանալու և Վեճերի լուծման հարթակ մուտք գործելու համար խնդրում ենք սեղմել TRUSTe կնիքը: 

Մաստերքարտը համաշխարհային բիզնես է։ Մենք կարող ենք փոխանցել Ձեր մասին մեր կողմից հավաքագրված անձնական տվյալները Ձեր երկրից բացի այլ երկրների հասցեատերերին, ներառյալ Միացյալ Նահանգները, որտեղ գտնվում է մեր գլխավոր գրասենյակը: Այս երկրները կարող են չունենալ տվյալների պաշտպանության նույն օրենքները, ինչ այն երկիրը, որտեղ Դուք ի սկզբանե տրամադրել եք Ձեր տվյալները: Երբ մենք փոխանցենք Ձեր անձնական տվյալները այլ երկրներ, մենք կպաշտպանենք այդ տվյալները, ինչպես նկարագրված է այս Գաղտնիության ծանուցման մեջ, կամ ինչպես ներկայացվել է Ձեզ տվյալների հավաքագրման ժամանակ: 

Ձեր անձնական տվյալներն այլ երկրներ փոխանցելիս մենք համապատասխանում ենք գործող իրավական պահանջներին՝ ապահովելով համապատասխան երաշխիքներ։ Մասնավորապես, մենք ստեղծել և իրականացրել ենք Պարտադիր կորպորատիվ կանոնների («BCR») մի շարք, որոնք ճանաչվել են Եվրոպական տնտեսական տարածքի (ԵՏՏ) և Մեծ Բրիտանիայի տվյալների պաշտպանության մարմինների կողմից՝ որպես մեր կողմից համաշխարհային մակարդակով մշակվող անձնական տվյալների համապատասխան մակարդակի պաշտպանություն: Մեր BCR-ի պատճենը հասանելի է այստեղ։ 

Մենք կարող ենք նաև փոխանցել անձնական տվյալներ այն երկրներ, որոնց տրվել են միջոցառումների համապատասխանության մասին որոշումներ, կամ օգտագործել պայմանագրային պաշտպանություն՝ անձնական տվյալները երրորդ կողմերին փոխանցելու համար, ինչպիսիք են Եվրոպական հանձնաժողովի ստանդարտ պայմանագրային դրույթները կամ դրանց համարժեքները՝ գործող օրենսդրության համաձայն, կամ հիմնվել տվյալների փոխանցման այլ օրինական մեխանիզմների վրա, որտեղ կիրառելի է: Դուք կարող եք կապվել մեզ հետ, ինչպես նշված է ստորև՝ «Ինչպես կապվել մեզ հետ» բաժնում, որպեսզի ստանաք այն երաշխիքների պատճենը, որոնք մենք օգտագործում ենք Ձեր իրավասությունից դուրս անձնական տվյալներ փոխանցելու համար: 

Բացի այդ, սույն Գաղտնիության ծանուցման մեջ նկարագրված Մաստերքարտի գաղտնիության քաղաքականությունները համապատասխանում են APEC-ի Անդրսահմանային գաղտնիության կանոնների համակարգին: APEC-ի Քաղաքացիական և քաղաքական իրավունքների մասին միջազգային դաշնագիր (CBPR) համակարգը կազմակերպությունների համար ապահովում է APEC-ի մասնակից տնտեսությունների միջև փոխանցված անձնական տվյալների պաշտպանություն։ Լրացուցիչ տեղեկություններ APEC շրջանակային փաստաթղթի մասին կարող եք գտնել այստեղ: 

Եթե դուք գտնվում եք մայրցամաքային Չինաստանում, ապա Դուք հասկանում եք, որ մենք կարող ենք փոխանցել Ձեր մասին մեր հավաքագրած անձնական տվյալները դեպի մայրցամաքային Չինաստանից դուրս այլ երկրներ կամ տարածաշրջանների հասցեատերերին, այդ թվում՝ ԱՄՆ-ում գտնվող Մաստերքարտ միջազգային ընկերությանը, Մաստերքարտ Ասիական-խաղաղօվկիանոսյան մասնավոր սահմանափակ ընկերությանը: Սահմանափակված է Սինգապուրում և այլ մասնաճյուղերում, ինչպես նշված է այստեղ: Երբ մենք իրականացնենք անձնական տվյալների միջազգային փոխանցումներ, մենք միշտ կհամապատասխանենք գործող օրենսդրությամբ սահմանված պահանջներին: Օգտագործելով Priceless ծառայությունները, կհամարվի, որ Դուք համաձայն եք Ձեր անձնական տվյալների անդրսահմանային փոխանակմանը այն հասցեատերերին, որոնք գտնվում են մայրցամաքային Չինաստանից դուրս այլ երկրներում կամ տարածաշրջաններում՝ համաձայն սույն Գաղտնիության ծանուցման: 

Մաստերքարտի համար կարևոր է Ձեր անձնական տվյալների անվտանգությունը: Մենք պարտավորվում ենք պաշտպանել մեր հավաքագրած տվյալները: Մենք վարում ենք ողջամիտ վարչական, տեխնիկական և ֆիզիկական երաշխիքային վարքագիծ՝ նախատեսված պաշտպանելու Ձեր կողմից տրամադրված կամ մեր կողմից հավաքագրված Անձնական տվյալները պատահական, ապօրինի կամ չարտոնված ոչնչացումից, կորստից, փոփոխությունից, մուտքից, բացահայտումից կամ օգտագործումից: Մենք օգտագործում ենք SSL կոդավորումը մեր մի շարք կայքերում, որտեղից փոխանցում ենք որոշակի անձնական տվյալներ: 

Մենք նաև միջոցներ ենք ձեռնարկում՝ ջնջելու Ձեր անձնական տվյալները կամ պահելու դրանք այնպիսի տարբերակով, որը թույլ չի տա նույնականացնել Ձեզ, երբ այդ տեղեկատվությունը այլևս անհրաժեշտ չէ այն նպատակների համար, որոնց համար մենք մշակում ենք այն, եթե օրենքով մեզնից չի պահանջվում ավելի երկար պահել այդ տվյալները։ Պահպանման ժամկետը որոշելիս՝ մենք հաշվի ենք առնում տարբեր չափանիշներ, ինչպիսիք են՝ Ձեր կողմից պահանջվող կամ Ձեզ տրամադրվող ապրանքների և ծառայությունների տեսակը, Ձեզ հետ մեր հարաբերությունների բնույթն ու տևողությունը, մեր ապրանքներից կամ ծառայություններից օգտվելու հնարավոր վերսկսումը, որոշ տվյալներ ջնջելու դեպքում մեր կողմից Ձեզ տրամադրվող ծառայությունների վրա դրա ազդեցությունը, օրենքով և վաղեմության ժամկետով նախատեսված պարտադիր պահպանման ժամկետները։ 

Ձեր հարմարավետության և Ձեզ լրացուցիչ տեղեկատվություն տրամադրելու համար մեր կայքերը կարող են տրամադրել այլ կայքերի հղումներ: Մեր կայքը կարող է նաև պարունակել որոշակի գործառույթներ, որոնք կատարելու համար մենք համագործակցում ենք այլ կազմակերպությունների հետ: Այս կազմակերպությունները կարող են իմանալ Ձեր այցելության մասին՝ անկախ այն բանից՝ Դուք օգտագործում եք այդ գործառույթները, թե ոչ։ Այս կայքերն ու գործառույթները, որոնք կարող են ներառել սոցիալական ցանցերի կայքեր և աշխարհագրական տեղորոշման գործիքներ, գործում են Մաստերքարտից անկախ և հստակորեն նշում են այդ մասին: Քանի որ Ձեր այցելած ցանկացած կապակցված վեբ կայք կամ Ձեր կողմից օգտագործված գործառույթ չի պատկանում կամ վերահսկվում Մաստերքարտի կողմից, առաջարկում ենք Ձեզ վերանայել կայքերի գաղտնիության քաղաքականությունները: 

Մաստերքարտը Ձեզ հնարավորություն է տալիս կիսվել Մաստերքարտի ապրանքներով և ծառայություններով, հղում կատարել դրանց կամ նշել դրանց մասին սոցիալական ցանցերում: Օրինակ, Դուք կարող եք Ձեր Ֆեյսբուքի հաշվի միջոցով «հավանել» որևէ Առաջարկ կամ «թվիթել» X-ի միջոցով (նախկինում՝ Թվիթեր): Երբ Դուք որևէ կայք եք այցելում սոցիալական մեդիայի կոճակով, Ձեր բրաուզերը ուղիղ կապ է հաստատում սոցիալական մեդիայի այդ մատակարարի հետ, և Ձեր այցելության վերաբերյալ տվյալները՝ ներառյալ IP հասցեն, փոխանցվում են սոցիալական մեդիայի մատակարարին: Եթե Դուք ունեք հաշիվ տվյալ սոցիալական մեդիայի մատակարարի մոտ, ապա մատակարարը կարող է կապել Ձեր այցը Ձեր հաշվի հետ, նույնիսկ եթե Դուք մուտք չեք գործել այդ հաշիվ: 

Դուք կարող եք նաև օգտվել մեր վեբկայքերի որոշակի գործառույթներից, որոնք հասանելի են կամ որոնց համար մենք համագործակցում ենք Մաստերքարտի հետ այլ կերպ փոխկապակցվածություն չունեցող այլ կազմակերպությունների հետ: Այդ գործառույթները՝ ներառյալ աշխարհագրական տեղորոշման գործիքները, շահագործվում են երրորդ կողմերի կողմից, ինչի մասին հստակորեն նշվում է: Սոցիալական մեդիայի մատակարարները, ինչպիսիք են Ֆեյսբուքը և X-ը (նախկինում՝ Թվիթեր), և այդ երրորդ կողմերը, անկախ են Մաստերքարտից և պարտադիր չէ, որ կիսեն նույն քաղաքականությունը, ինչ Մաստերքարտը՝ կապված գաղտնիության պաշտպանության հետ: Խնդրում ենք ստուգել նրանց գաղտնիության մասին ծանուցումները, եթե որոշեք օգտվել նրանց ծառայություններից և վերանայել Ձեր սոցիալական մեդիայի հաշվի կարգավորումները, եթե ցանկանում եք անջատել որոշ գործառույթներ: 

Priceless ծառայությունները նախատեսված չեն 16 տարին չլրացած երեխաների համար: Մաստերքարտն, այնուամենայնիվ, կարող է մշակել 16 տարին չլրացած երեխաների անձնական տվյալները՝ ծնողի կամ խնամակալի համաձայնությամբ կամ այլ իրավական հիմքի հիման վրա՝ գործող օրենսդրությանը համապատասխան: Եթե տեղեկանաք, որ Մաստերքարտը մշակում է երեխաների անձնական տվյալները՝ խախտելով սույն Գաղտնիության ծանուցումը, ապա կարող եք զգուշացնել մեզ՝ privacyanddataprotection@mastercard.com հասցեով: 

Սույն Գաղտնիության ծանուցումը կարող է պարբերաբար թարմացվել՝ ներառելու մեր Անձնական տվյալների պրակտիկայի փոփոխությունները: Մենք կտեղադրենք տեսանելի ծանուցում համապատասխան կայքերում, որպեսզի տեղեկացնենք Ձեզ մեր Գաղտնիության ծանուցման ցանկացած կարևոր փոփոխության մասին, նախքան դրանք ուժի մեջ մտնելը, և Գաղտնիության ծանուցման վերևում կնշենք, թե երբ է կատարվել վերջին թարմացումը։ Մեր Գաղտնիության ծանուցումը թարմացնելիս, հնարավոր է՝ որոշ հանգամանքներում Ձեր համաձայնության կարիքը լինի: 

Եթե Դուք բնակվում եք Միացյալ Նահանգներում, այս ԱՄՆ Գաղտնիության Հավելվածը լրացնում է վերը նշված տեղեկատվությունը որոշ նահանգների համար, ինչպես նշված է Բաժին 11-ում:  

Եթե ունեք հարցեր, մեկնաբանություններ կամ բողոքներ այս Գաղտնիության ծանուցման և մեր գաղտնիության քաղաքականության վերաբերյալ կամ ցանկանում եք թարմացնել Ձեր գաղտնիության նախապատվությունները, խնդրում ենք ուղարկել էլեկտրոնային նամակ՝ privacyanddataprotection@mastercard.com էլեկտրոնային հասցեով կամ գրել մեզ հետևյալ հասցեով՝ 

Գաղտնիության համաշխարհային գրասենյակ 

Mastercard International Incorporated 

2000 Purchase Street 

Purchase, New York 10577 

USA 

Եթե Դուք գտնվում եք ԵՏՏ-ում կամ Շվեյցարիայում, Ձեր անձնական տվյալների մշակման համար պատասխանատու է Մաստերքարտ Եվրոպան։ Ձեր անձնական տվյալների հետ կապված Ձեր իրավունքներից օգտվելու համար կարող եք հայց ներկայացնել Մաստերքարտի «Իմ տվյալները» հարթակում կամ էլեկտրոնային նամակ ուղարկել՝ privacyanddataprotection@mastercard.com էլեկտրոնային հասցեով կամ գրել մեզ հետևյալ հասցեով՝  

ԵՏՏ տվյալների պաշտպանության պատասխանատու 

Մաստերքարտ Եվրոպա (Mastercard Europe SA) 

Chaussée de Tervuren 198A 

B-1410 Waterloo 

Belgium 

Եթե Դուք բնակվում եք Բրազիլիայում, ապա Ձեր անձնական տվյալների մշակման համար պատասխանատու է Մաստերքարտ Բրազիլիա Soluções de Pagamento Ltda. ընկերությունը։ Ձեր անձնական տվյալների հետ կապված Ձեր իրավունքներից օգտվելու համար կարող եք հայց ներկայացնել Մաստերքարտի «Իմ տվյալները» հարթակում կամ էլեկտրոնային նամակ ուղարկել՝ privacyanddataprotection@mastercard.com էլեկտրոնային հասցեով կամ գրել մեզ հետևյալ հասցեով՝  

Բրազիլիայում տվյալների պաշտպանության պատասխանատու 

Mastercard Brasil Soluções de Pagamento Ltda. 

Avenida das Nações Unidas, 14.171, 20º andar, Crystal Tower 

São Paulo/SP 

Brasil 

CEP 04794-000 

Եթե դուք գտնվում եք Խաղաղօվկիանոսյան Ասիայում (բացառությամբ մայրցամաքային Չինաստանի), Մերձավոր Արևելքում կամ Աֆրիկայում, ապա Մաստերքարտ Խաղաղօվկիանոսյան Ասիա մասնավոր (Mastercard Asia Pacific Pte.Ltd) պատասխանատվությամբ ընկերությունն է Այն պատասխանատու է Ձեր անձնական տվյալների մշակման համար։ Ձեր անձնական տվյալների հետ կապված Ձեր իրավունքներից օգտվելու համար կարող եք հայց ներկայացնել մեզ՝ ուղարկելով էլեկտրոնային նամակ՝ privacyanddataprotection@mastercard.com էլեկտրոնային հասցեով կամ գրել մեզ հետևյալ հասցեով՝  

Խաղաղօվկիանոսյան Ասիայի, Մերձավոր Արևելքի և Աֆրիկայի տվյալների պաշտպանության պատասխանատու 

Mastercard Asia/Pacific Pte Ltd 

3 Fraser Street, DUO Tower, Level 17 

Singapore 189352 

Եթե Դուք գտնվում եք մայրցամաքային Չինաստանում, ապա Ձեր տվյալների մշակման համար պատասխանատու է «Mastercard Shanghai Business Consulting Ltd»-ն: Ձեր անձնական տվյալների հետ կապված Ձեր իրավունքներից օգտվելու համար կարող եք հայց ներկայացնել մեզ՝ ուղարկելով էլեկտրոնային նամակ՝ privacyanddataprotection@mastercard.com էլեկտրոնային հասցեով կամ գրել մեզ հետևյալ հասցեով՝  

Չինաստանի տվյալների պաշտպանության պատասխանատու 

Room 2907-14, Part of 29/F Tower 2 

Shanghai IFC, 8 Century Avenue 

China (Shanghai) Pilot Free Trade Zone